جاری ییل‌نینگ 19-22 می کونلری ترمذ شهریده «تینچ‌لیک، دوست‌لیک و فراوان‌لیک‌نینگ عمومی مکانینی برپا ایتیش» موضوع‌سیده مرکزی و جنوبی آسیا اورته‌سیده‌گی اوز-ارا باغلیق‌لیک بوییچه ترمذ ملاقاتینینگ بیرینچی ییغیلیشی بولیب اوته‌دی. تشکیلات‌چیلر – اوزبیکستان جمهوری رئیسی حضوریده‌گی استراتیژیک و منطقه‌لر-ارا تدقیقات‌لر انستیتوتی، اوزبیکستان تشقی ایشلر وزیرلیگی، اوزبیکستان سودا-صنعت اوتاقی. فورم مرکزی و جنوبی آسیا، اروپا، مستقل
جاری ییل‌نینگ 19-22 می کونلری ترمذ شهریده «تینچ‌لیک، دوست‌لیک و فراوان‌لیک‌نینگ عمومی مکانینی برپا ایتیش» موضوع‌سیده مرکزی و جنوبی آسیا اورته‌سیده‌گی اوز-ارا باغلیق‌لیک بوییچه ترمذ ملاقاتینینگ بیرینچی ییغیلیشی بولیب اوته‌دی.
تشکیلات‌چیلر – اوزبیکستان جمهوری رئیسی حضوریده‌گی استراتیژیک و منطقه‌لر-ارا تدقیقات‌لر انستیتوتی، اوزبیکستان تشقی ایشلر وزیرلیگی، اوزبیکستان سودا-صنعت اوتاقی.
فورم مرکزی و جنوبی آسیا، اروپا، مستقل دولت‌لر هم‌دوست‌لیگی، آسیا-تینچ اوقیانوس منطقه‌سی، امریکا، یقین شرق مملکت‌لریدن 200-گه یقین وکیللرنی بیر یرگه جمع‌له‌یدی. اولر آره‌سیده سیاسی-اتقصادی و تجارت دایره‌لر وکیللری، مالیه انستیتوت‌لری، خلق‌ارا و منطقوی تشکیلات‌لر اعضالری، شونینگدیک، دنیانینگ تورلی تحلیلی همده علمی-تدقیقات مرکزلری‌نینگ نفوس‌لی متخصص‌لر بار.
ملاقات‌دن اساسی مقصد – اوزبیکستان جمهور رئیسی، شوکت میرضیاییفنینگ مرکزی و جنوبی آسیا اورته‌سیده اوز-ارا علاقه‌دارلیکنی مستحکم‌لش بوییچه 2022 ییل‌ده بیرلشگن ملت‌لر تشکیلاتی باش ییغلیش/مجلسی تامانیدن قوللب-قوتلنگن تشبثینی ایلگری سوریش اوچون کوپ تامانلمه مناظره میدانینی شکللنتیریش.
فورم اشتراک‌چیلری مرکزی و جنوبی آسیا اورته‌سیده‌گی منطقه‌لر-ارا همکارلیک‌نینگ جاری حالتی و استقباللرینی محاکمه قیله‌دیلر. اساسی اعتبار خوفسیزلیک، برقرارلیک و ایزچیل رواجلنیشنی تامین‌لش بوییچه همکارلیکنی مستحکم‌لش، شونینگدیک، اقتصادی اوسیشنی تامین‌لش‌ده خصوصی سکتور و مالیه‌وی توزیلمه‌لرنینگ رولینی کینگگه‌یتیریش مسئله‌لریگه قره‌تیله‌دی.
انجمن یکون‌لری بوییچه کوتیله‌یاتگن اساسی نتیجه‌لردن بیری، بو- مرکزی و جنوبی آسیا اورته‌سیده ایشانچ، ملاقات و همکارلیکنی مستحکم‌لش بوییچه سعی-حرکت‌لرنی بیرلشتیریش‌گه چقیروچی (کمونیکه) قبول قیلینیشی حساب‌لنه‌دی.
ترمذ ملاقاتی منطقه‌لر-ارا باغلیق‌لیکنی ینه‌ده رواجلنتیریش، کینگ اوراسیا قیته‌سیده (قاره‌سیده) تینچ‌لیک، خوفسیزلیک و برقرارلیکنی تامین‌لش استقباللرینی بیلگی‌لش اوچون دایمی پلتفرم وظیفه‌سینی بجریش کوزده توتیلگن.
تدبیر سرخان‌دریا ولایتی ترمذ شهریده‌گی «ترمذ خلق-ارا سودا مرکزی» حدودیده اوتکزیله‌دی.
