جمهوری اوزبیکستان یک‌ محموله کمک‌های بشردوستانه را برای توزیع به سیلاب‌زده‌گان در ولایات مختلف به افغانستان فرستاده‌است.

این محموله روز سه‌شنبه، ۱ جوزا، با اشتراک عصمت‌الله ایرگاشف، نماینده ویژه رئیس جمهور اوزبیکستان در امور افغانستان به رحمت‌الحق فضل، رییس مالی و ‌اداری وزارت امور خارجه افغانستان، در بندر حیرتان تحویل داده شد.

این کمک‌ها شامل آرد، برنج، گندم، روغن، گوشت، تانکر آب، خیمه و برخی مواد اولیه دیگر مورد نیاز آسیب‌دیده‌گان سیلاب اخیر می‌شود.

آقای ایرگاشف هنگام تسلیم‌دهی این محموله از ادامه‌‌ کمک‌های بشردوستانه‌ کشورش به مردم افغانستان خبر داده و از امارت اسلامی خواسته که این کمک‌ها را زودتر به آسیب‌‌دیده‌گان برسانند.

در همین حال، رحمت‌الحق فضیل، رییس مالی و ‌اداری وزارت امور خارجه، از ارسال‌ کمک‌های اوزبیکستان قدردانی کرده و از دیگر کشورها می‌خواهد که به نیازمندان در افغانستان کمک کنند.