د کندهار ښاروالۍ مسوولین، وايي چې په دغه ولایت کې د ۷۶۷ مترو په اوږد والي د یو کانال د جوړو چارې پيل شوې دي. د کندهار د ښاروالۍ ویاند سیف الله عاصم وايي، چې د کندهار ښار په اتمې ناحیې پورې اړوند دریېم ګذر کې د ۷۶۷ مترو په اوږدوالي او ۲ مترو په سور د یو کانال د جوړولو چارې يې پیل کړي، چې په ۲ میاشتو کې به ګټې اخیستنې ته وسپارل شي. نوموړی وايي، چې د یاد کانال په جوړېدو سره د سیمې خلکو ته هم د کار زمینه برابره شوې ده.