افیلا یودیچه د ریاست‌الوزرا له اداري مرستیال سره په لیدنه کې ویلي، چې اروپایي ټولنه له افغانستان سره ۱۴۵ میلیونه یورو مرسته کوي. نوموړې د هرات له زلزله ځپلو او له پاکستان څخه راستانه شویو افغان کډوالو سره د مرستو او له نشه يي توکو سره د جدي مبارزې په برخه کې د سرپرست حکومت هڅې ستایلې دي. ورته مهال د ریاست الوزرا اداري مرستیال ویلي، چې په افغانستان کې د سراسري امنیت د تامین له امله اروپايي ټولنه کولی شي په بېلابېلو برخو کې پانګونه وکړي.