په افغانستان کې د پاملرنې نړیوالې موسسې په هرات ولایت کې له زلزله ځپلیو سره د لا زیاتو مرستو غوښتنه وکړه.
په افغانستان کې د دې ادارې مسوول ګراهام دَویسون پرون په یوه ویډیويي پیغام کې چې پر خپله ټویټر پاڼه یې خپره کړې ویلي، د مرګ ژوبلې تر څنګ په دې زلزله کې شا و خوا ۴۴زره کسان په مستقیم ډول له دغو زلزلو زیانمن شوي دي.
له دې سره جوخت د روغتیا نړیوال سازمان ویلي چې په هرات کې ۳۷زره زلزله ځپلي کسان، د دوی له روغتیايي مرستو برخمن شوي دي.