په هلمند کې د نږدې ۳۰۰ زره امریکايي ډالرو په لګښت یو روغتیايي مرکز جوړ او ګټې اخیستنې ته وسپارل شو.
د هلمند د عامې روغتیا رییس ډاکتر سید احمد سعید وايي، چې د دغه ولایت مرکز لښکرګاه ښار اړوند په مختار سیمه کې د کډوالو عالي کمېشنرۍ په مالي ملاتړ د ۲۸۷ زره ۹۶۹ زره امریکايي ډالرو په لګښت یو روغتیايي مرکز جوړ او ګټې اخیستنې ته وسپارل شو. نوموړي زیاته کړه، چې یاد روغتیايي مرکز به د ۶۵ زره کورنیو لپاره کفایت وکړي او د دې روغتیايي مرکز کاري ډله به ۲۴ ساعته د هېوادوالو په خدمت کې وي.
په ورته وخت کې د یاد ولایت د کډوالو چارو رییس وویل چې د یاد روغتیايي مرکز په پرانیستلو سره به د زیاتو هېوادوالو ستونزې هوارې شي.