د قزاقستان د ډبرو سکرو په یوه کان کې د اورلګېدنې له امله ۳۲ کارګران مړه شوي دي.
ژغورونکي وايي په قراغندي صنعتي ښار کې د دې پېښې په نتیجه کې ۱۴ نور کسان تري تم دي. د ارسلور- میټال په نوم څو ملتي شرکت ویلي، په کان کې ۲۵۰ کارګران په کار بوخت وو چې میټان ګازو اور واخیست.
په اګست میاشت کې هم د همدغې کمپنۍ په بل کان کې یوه وژونکې پېښه شوې وه.
اوس یو دولتي کمېسیون ګمارل شوی، چې د دې پېښې له کبله دغه شرکت مسوول وګڼي.