پرون سهار د کابل – جلال اباد پر لويه لاره د غره ښویېدو له امله ياده لاره د ترافیکو پر مخ بنده شوې، خو دفاع او ټولګټو چارو وزارتونو د عمومي لارې خلاصېدو پورې بله فرعي لاره جوړه او د مسافرو د تګ راتګ لپاره د ترافیکو پرمخ خلاصه کړې ده. دفاع وزارت په یوه خبرپاڼه کې لیکلي، چې د کابل – جلال اباد پر لویه لاره د ماهیپر ساحه کې د غر ښویېدو له امله لاره بنده او بدیله لار یې پرانستلې ده. د کابل – جلال‌اباد لویه لاره پرون سهار د کابل دروازې په درې کیلومترۍ کې د غره ښويېدنې له امله د ترافیکو پر مخ وتړل شوه.