ادارې د مالټو بڼونو حاصل له درې زره ټنو څخه زيات اټکل شوی، چې د تېر کال په پرتله په کې زر ټنه زياتوالی راغلی.
نوموړی وايي چې د مالټو حاصل زياتوالي لامل د بوټو روغتيا او روزنې ته ښه پاملرنه او ساتنه ده.
د ننګرهار ستروس د هېواد په کچه نوم لري، چې هر کال د دې ولایت سربېره نورو ولایتونو ته هم لېږل کيږي.
په دې ولايت کې د کانال او کرنې رياستونه، يو شمېر نورې ادارې، کرنيز شرکتونه او بڼوال هڅه کوي چې په راتلونکې کې د ستروسو په برخه کې په ځان بسيا شو.