د ننګرهار عامې روغتیا رئیس مولوي امین الله شریف، چې یو شمېر نورو روغتیایي مسؤلینو یې هم ملتیا کوله تېر ماښام ناوخته د خوګیاڼو روغتون خدمات وڅارل.
نوموړي د ټیم په ملتیا د روغتون بېلابېلې برخې له نژدې ولیدې او طبي کارکوونکو ته یې ناروغانو ته د ښو او با کیفیته روغتیایي خدماتو وړاندې کولو لارښوونه وکړه.
دغه راز یې د لیدنې پرمهال یادو برخو کې نیمګړتیاوې معلومې، مسؤلینو ته یې د حل لارښوونه وکړه، د هغوی غوښتنې یې واوریدې او د حل ډاډ یې ورکړ.