د بهرنیو چارو وزارت ویاند پر خپلې ټویټر پاڼې لیکلي، چې په دې لیدنه کې سرپرست وزیر په بېجېنګ کې د سرپرست حکومت د سفير د کار پيل يو مهم پرمختګ بللی او په نړيوالو فورمونو کې يې د چين د مثبت دريځ ستاينه کړې. د بهرنیو چارو سرپرست وزیر زیاته کړې، چې دواړه لوري بايد پر هغو لارو چارو کار وکړي چې چين ته د افغانستان صادرات زياتوي. ورته مهال دواړو لوریو د مس عینک پروژې د عملي چارو پر ژر پیل ټينګار کړی.