د لوړو زده کړو وزارت سرپرست د جاپان له سفیر تاکویوشي کورمایا سره کتلي دي.
ياد وزارت په خپله اېکس پاڼه لیکلي، چې په دې کتنه کې د جاپان سفیر تاکویوشي کورمایا د افغانستان د لوړو زده کړو په پیاوړتیا کې د دغه وزارت کارونه ستايلي او ویلي دي، چې جاپان د افغانستان او نړۍ ترمنځ د تعامل رامنځته کولو هڅه کوي.
هغه همدارنګه د ډاکټر ناکامورا پروژو د بشپړولو ترڅنګ، د افغانستان له تحصیلي نظام سره د بنیادي کارونو په برخه کې د همکارۍ ډاډ هم ورکړی دی.