د افغانستان لپاره د امریکا ځانګړي استازي توماس ویسټ د افغانستان لپاره د ملګرو ملتونو له استازې او د یوناما له مشرې روزا اوتونبایوا سره کتلي دي. توماس ویسټ په خپله ایکس پاڼه لیکلي، چې په دې کتنه یې په افغانستان کې پر روان وضعیت او یو شمېر نورو موضوعاتو خبرې کړې دي. ویسټ زیاته کړې، چې اوتونبایوا او پلاوي یې په نړۍ کې یوه ډېره ستونزمنه دنده لري او مونږ یې د بشري مرستو له همغږۍ، د بشري حقونو څارنې او په افغانستان کې د اقتصادي ثبات په وده کې د رول ستاینه کوو.