د کډوالو او راستنیدونکو چارو وزارت پر خپلې اېکس پاڼې لیکلي، چې تازه له پاکستان څخه ۳۸۴ افغان کورنۍ هېواد ته راستنې شوې دي.
ددغه کورنیو ځینې یې په زور شړل شوې او ځینې بیا په خپله خوښه راستنې شوې دي.
د دغه وزارت د معلوماتو له مخې، یادې کورنۍ د میزان په ۲۳مه د تورخم له لارې راغلې دي او د مرستې د ترلاسه کولو په موخه د کډوالۍ نړیوال سازمان او د ملګرو ملتونو د کډوالو عالي کمیشنرۍ دفترونو ته ور وپېژندل شوې دي.