د افغانستان او ایران ترمنځ د کونسلي چارو په څلورمه غونډه کې په ایران کې د افغانستان په سیاسي استازولیو کې د افغان حکومت د دیپلوماتانو پر زیاتولو خبرې شوې دي. دا دوه ورځنۍ غونډه د روانې تلې میاشتې په اولسمه او اتلسمه په کابل کې جوړه شوې وه، خو د افغان حکومت د بهرنیوچارو وزارت یې پرون پر خپله ټویټر پاڼه په یو بیان کې خبر ورکړی دی. په بیان کې راغلي چې دواړو خواوو د بندیانو د لېږد او په ایران کې دېره افغان کډوالو ته د کونسلي خدمتونو د برابرولو لپاره د افغان ډيپلوماتانو د شمېر د زیاتولو د اړتیا په اړه خبرې وکړې.